Ministrja e Transportit, Belinda Balluku deklaroi sot se është vendosur që një nga pikat e paketës sociale të jetë kompensimi me 100 lekë për litër për kompanitë që kryejnë shërbimin urban dhe ndërqytetas, në mënyrë që të mos të rritet çmimi i biletës.
“Në Paketën e Rezistencës kemi vendosur të kompensojmë ndërmarrjet dhe kompanitë që ofrojnë transportin urban dhe ndërqytetës me 100 lekë për litër, duke kompensuar nevojën që ata kanë. Biletat do të mbajnë të njëjtin nivel dhe nuk do të lejomë kompanitë të aplikojnë rritje”, tha Balluku.
Deklaratën e bëri gjatë një ligjërate që ajo, kryeministri Rama dhe ministrja e Financave mbajtën në një kafene ku ishin dhe disa të moshuar.
Gjatë prezantimit të paketës sociale të Shtunën, Rama tha se do alokohen 500 mln Lekë që asnjë udhëtar të mos preket nga rritja e çmimit të biletës.
