Qytetarët e Gramshit i janë bashkuar protestave kundër rritjes së çmimit të naftës dhe produkteve të shportës.
Protesta në Gramsh është zhvilluar në hyrje të qytetit, ku protestuesit bllokuan rrugën kryesore për më shumë se 40 minuta.
Në pamjet e publikuara nga ish-kryeministri Sali Berisha, shihen efektivë të policisë, zjarrfikësja dhe një ambulancë në protestë.
Nuk kanë munguar as incidentet, pasi drejtuesit e automjeteve, të cilët e kishin të pamundur të lëviznin, përplasen me policinë.
Prej pesë ditësh shqiptarët protestojnë thuajse në të gjithë vendin kundër rritjes së çmimeve.
Ata kanë njoftuar se do të protestojnë çdo ditë në orën 17:00.
