Deputeti demokrat Ervin Salianji i ka drejtuar sërisht një thirrje Lulzim Bashës që të dorëhiqet dhe ti hapë rrugë bashkimit të demokratëve.
Salianji shkruan në rrjet se Grupi Parlamentar, në shumicën e tij, e ka identifikuar Bashën si problemin e PD, ndaj dhe ai duhet të largohet.
“Dorëheqja është normë morale e pashkruar në politikë, çdo humbës largohet dhe as mendon dhe as mund te imagjinohet që humbësi të caktojë se kush do jetë pas tij! Historia na tregoi se përzgjedhja e pasardhësit sjell vetëm dështim!”, shkruan Salianji.
Postimi nga Ervin Salianji
Dorëheqja është akt i ndërgjegjes, por dhe normë morale e pashkruar në politikë, çdo humbës largohet dhe as mendon dhe as mund te imagjinohet që humbësi të caktojë se kush do jetë pas tij!
Historia na tregoi se përzgjedhja e pasardhësit sjell vetëm dështim!
Zgjedhjet nuk i humbën demokratët, ata dhe elektorati i djathtë refuzuan Lulzim Bashën, shoqëria e braktisi po ashtu!
Për interes të Partisë Demokratike shumica e Grupit Parlamentar kërkoi dorëheqjen e tij, duke e identifikuar atë si problemin!
Vota ishte kundër tij!
