Deri më tani e dinim se kishim një Kryeministër që punonte për të gjithë qytetarët, pa dallime nëse i kishte pro apo kundër.
Por protestat e ditëve të fundit, përveç se e kanë nervozuar Edi Ramën, na kanë treguar edhe një anë tjetër, atë që ai i ndan qytetarët në ato që e kanë votuar dhe ato që e shajnë. Dhe me ndarjen që bën, ai pohon se punon për ata që e kanë votuar dhe jo për ata që e shajnë. Por nëse i referohemi pjesëmarrjes në zgjedhje dhe numrit të përgjithshëm të votuesve, i bie që Edi Rama punon si Kryeministër për jo më shumë se 25 %, ndërsa pjesa tjetër mund të “ngrohet në diell”.
Në replikat me ndjekësit e tij në rrjetin social, Rama thotë se kqeveria e tij po punon për popullin që e votoi dhe jo për ata që dalin në shesh, marrin mikrofonin dhe ofendojnë, në një kohë kur e gjitha bota, ka dalë në mbrojtje të Ukrainës.
