Sekretari i Përgjithshëm i NATO-s, Jens Stoltenberg thotë se Rusia mund të përdorë armë kimike pas pushtimit të Ukrainës dhe se një veprim i tillë do të ishte një krim lufte, sipas një interviste në gazetën gjermane Welt am Sonntag.
“Në ditët e fundit, ne kemi dëgjuar pretendime absurde për laboratorët e armëve kimike dhe biologjike,” tha Stoltenberg për Welt am Sonntag, duke shtuar se Kremlini po shpikte pretekste të rreme për të justifikuar atë që nuk mund të justifikohej.
“Tani që këto pretendime të rreme janë bërë, ne duhet të qëndrojmë vigjilentë, sepse është e mundur që vetë Rusia të mund të planifikojë operacione të armëve kimike nën këtë trillim gënjeshtrash. Ky do të ishte një krim lufte”, tha Stoltenberg.
Ai shtoi se megjithëse populli ukrainas po i rezistonte pushtimit rus me guxim, ditët e ardhshme ka të ngjarë të sjellin vështirësi edhe më të mëdha, raporton Al Jazeera.
