Ka nisur protesta kundër rritjes së çmimeve në Tiranë.
Në ditën e tyre të pestë, protestuesit shprehen se në këtë gjendje Shqipëria ka hyrë në një protestë disa mujore.
Pedagogu Ervin Goci në mbështetje të protestuesve të vendosur te “Sheshi Skënderbej”, u shpreh se sot në Shqipëri ke dy zgjidhje: “Ose do protestosh, ose do ngordhësh.”
“Ftesa e kryeministrit ishte ngordhni. Pse duhet të ngordhini? Se unë kam shpallur luftë. Lufta bëhet në Ukrainë dhe unë kam shpallur luftë këtu. Pse? Sepse unë dua. Ka një javë që hedh foto nga Ukraina për të justifikuar çdo vendimmarrje të qelbur që merr. Një tallje kolosale me interesin dhe vullnetin e njerëzve. Kjo është totalisht e pafalshme sepse emergjenca jonë është të zgjidhet çështja e çmimeve”, tha ai.
“Kryeministër i bërë të gjithë lypsa. Merr masat mirë ose largohu, mos të shohim më. Fukarenj çdo ditë po bëhemi”, u shpreh një protestues.
Pas disa fjalimeve të mbajtura me megafon, protestuesit u nisën drejt Kryeministrisë.
