Luan Hoti, kryetar i PD, dega Durrës, i cili kandidoi pvr kryebashkiak në zgjedhjet e 6 marsit, ku edhe u rendit i 3-ti mes 3 kandidatëve, ka shprehur mbështetjen për Lulzim Bashën në mbledhjen e Kolegjit të Kryetarëve.
Hoti është shprehur se problemi është se demokratët janë përçarë dhe sa herë të hyjmë në zgjedhje nuk do arrijmë dot rezultat.
“Duhet të gjejmë zgjidhje se baza është e përçarë. Kështu nuk kanë se çfarë të bëjnë. Zgjidhjet nuk vijnë tani se jemi të irrituar. Nuk ka zgjidhje me ik ti e hajde ti. Të reflektojmë, të qetësohemi.
Nuk i lamë gjë mangut fushatës, problemi është përcarja e demokrateve. Garën nuk e kisha me demokratët, e kisha me Sakon, po nuk ishte kështu për pjesën tjetër. Demokratet na ndëshkuan të dyja palëve. Cila është zgjidhja? A është zgjidhja largimi i kryetarit? Basha thotë eshte gati për çdo zgjidhje, por tërheqja e tij nuk është zgjidhja në këtë moment. Duhet bashkimi, po shkuam në 2-3 kampe, nuk fitojmë. Duhet bashkim. Për zgjedhje brenda partisë nuk mund të mendojmë, të pakten jo brenda një viti. Duhet një formule bashkimi fillimisht”, tha Hoti.
