Deputeti Edi Paloka, anëtar i Komisionit të Rithemelimit, përmes një postimi në rrjetet sociale, shprehet se Lulyim Basha është peng, ndaj nuk e jep dot dorëheqjen.
Paloka ironizon deklaratat e fundit të Bashës, duke thënë se ai po tregohet i sinqertë kur thotë se nuk ka humbur asnjëherë, pasi pasuritë e tij janë shtuar.
Postimi nga Edi Paloka
Sinqeriteti i L.B
Dy herë, me dy deklarata të tij së fundmi, L.B është treguar vërtetë i sinqertë!
Deklaroi se “nuk ka humbur asnjëherë” !
Shumë e vërtetë, ai nuk ka humbur asnjëherë, përkundrazi pas çdo humbjeje të PD atij i janë shtuar pasuritë. Ata që kanë humbur kanë qenë demokratët.
Tani deklaron se është gati të bëj cdo gjë që ka në dorë, por jo dorëheqjen që i kerkon grupi i tij. Kjo për arsyen e thjeshtë se doreheqjen nuk e ka në dore ai, po ata që e mbajnë peng!
Por as PD as demokratet nuk mund të mbeten peng i tij. Tani rruga për tu ndjekur dihet. Secili bën zgjedhjen e tij.
