Partizani barazoi dje 2-2 me Egnatian në “Elbasan Arena”. Dueli i javës së 25 në Superligë ka lënë me pasoja Demat, që nuk do kenë tre nga titullarët për sfidën e radhës. Për shkak të kartonave, Skuka nuk do mund të luajë pasi ka plotësuar numrin katër të të verdhëve.
Me kartona të kuq nga ndeshja e djeshme dolën Albion Marku dhe Bitri, duke qenë gjithashtu jashtë për sfidën e radhës. Java e 26 i gjen Demat në transfretë me Kastriotin, me sfidën që luhet të shtunë në 19 mars në orën 13:45 në Kamëz.
