Ledio Pano, ish-futbollisti i njohur i Partizanit, mendon se të kuqtë sot kanë dhuruar një nga ndeshjet më të dobëta të vitit 2022.
Pas barazimit 2-2 me Egnatian, ai theksoi në “Gol pas Goli” se skuadra kishte lënë shumë për të dëshiruar.
“Edhe pse barazoi, ishte ndër ndeshjet më të dobëta që mund të ketë zhvilluar Partizani pas janarit e këtej. Një bravo për Egnatian, e kishte marrë ndeshjen me një përqendrim maksimal, ndërsa Partizani ndoshta e kishte mendjen te Kupa, edhe me mungesat që kishte.
Psikologjia nuk ishte e tillë për të fituar ndeshjen, u munduan të luajnë në pjesën e parë, por pa përqendrimin e duhur, ekip që nuk të trembte.. Me çfarë unë shikoja, luante për të mbaruar ndeshjen, e kishin marrë pak lehtë”, ishte kritika e Ledio Panos.
