Sheshi para kryeministrisë është kthyer edhe mëngjesin e sotëm në këtë vendpritje proteste.
Kanë qenë taksistë që kanë dalë në protestë duke kërkuar uljen e çmimit të naftës.
Protestuesit thanë se çmimet janë rritur aq shumë saqë janë kthyer në të papërballueshme dhe kërkuan ndërhyrje nga institucionet shtetërore. Ata thanë se kjo rritje e çmimeve do rëndojnë xhepat e qytetarëve, pasi siç u shprehën, ata do detyrohen të rrisin çmimet e shërbimit.
Një nga protestuesit njoftoi se protesta nga taksisë po zhvillohen edhe në qytete të tjera. Ai shtoi se protestat nga ana e tyre do të vijojnë deri në një reagim nga instancat shtetërore.
Prej dy ditësh, protesta po zhvillohen në vend për rritjen e çmimeve në Tiranë dhe disa qytete të vendit.
