Policia ka penguar studentët e Universitetit Bujqësor të Tiranës, që të marshojnë përgjatë rrugës së Durrësit, duke krijuar një kordon për mosbllikimin e rrugës.
Në një moment studentët iu kërkuan punonjësve të policisë që ti bashkoheshin protestës së tyre, duke iu kujtuar faktin se edhe ata paguajnë taksa dhe çmime të larta.
“A keni edhe ju fëmijë, a i paguani tarifat si ne?”, ishin pyetjet që studentët i bënë punonjësve të policisë, që padyshim nuk morën përgjigje prej tyre.
“Pse po prek pse po më rrethon për 500 mijë lekë të qelbura që merr. Ne do marshojmë për të drejtat tona dhe tuaja, na lini të kalojmë në rrugë të marshojmë”, iu drejtua një student – një prej efektivëve.
Studentët u ndalën më pas te Ministria e Arsimit, ku bënë thrrije për ulje të çmimeve.
“S’paguajmë më për ju, as ne dhe as familja”, u shprehën ata.
Protesta e studentëve të Universitetit Bujqësor të Tiranës, nisi nga fakulteti i tyre dhe vijon në formën e një marshimi në kryeqytet.
