Forca të shumta policie, përfshi edhe trupa të FNSH dhe reparteve Shqiponja janë përqëndruar te Zogu i Zi në Tiranë, atje ku disa qytetarë të revolutuar po përpiqen të bllokojnë rrugën. Në atë që njihet si rrethrrotullimi i Zogut të Zi mund të jenë angazhuar mbi 200 punonjës policie, por edhe një numër i lartë civilësh.
Policia ka ndërhyrë disa herë duke larguar qytetarët nga rruga, të cilët në mënyrë paqësore, janë ulur në mes të rrugës.
Madje policia nuk lejon qytetarët as të qëndrojnë të ulur në trotuare. Forca të shumta policore kanë krijuar kordone, duke liruar qarkullimin e mjeteve, ndërsa qytetarët mbahen të izoluar në pjesën e trotuareve.
Situata është tensionuar, ndërsa raportohet edhe për shoqërime të protestueve.
