Monika Kryemadhi, kryetare e LSI, ka reaguar ndaj një deklarate të Kryeministrit Edi Rama, i cili protestën qytetare e konsideroi si të nongratave dhe gratave, në një përpjekje për të krijuar idenë se qytetarët që janë derdhur në rrugë e sheshe kundër rritjes së çmimeve, po përdoren nga opozita.
“Ai momenti kur qeverisë dhe kunat-opozitës ja shkruan statuset e njëjta dorë. E dukshme rënia e kreativitetit prej këshilltarëve të huaj, që siç këshillojnë Vucic, këshillojnë edhe çiftin Rama-Basha si të manipulojnë deri në mpirje opinionin publik shqiptar.
Protestat që po zhvillohen janë dukshëm qytetare, jo partiake dhe përgjegjësinë për mbushjen e shesheve kryeministri mund ta gjejë duke parë veten në pasqyrë”, shprehet Kryemadhi.
