Ajo që nisi si një protestë e studentëve në Korçë paraditen e sotme është masivizuar, me pjesëmarrjen edhe të qytetarëve korçarë.
Qytetarë janë dendur në rrugë si një shenjë revolte ndaj rritjes së çmimeve.
Efektivë të policisë kanë ndërhyrë duke krijuar një kordon për të mos lejuar marshimin më tej të qytetarëve.
Mes protestuesve ishte dhe deputeti demokrat Edmond Spaho, i cili u kërkoi efektivëve të lejonin protestën.
“Edhe ju familjarë si ne jeni, e ndjeni rritjen e çmimeve. Do ishte e udhës të bashkoheni me ne kundër arrogancës që qeverisë”, iu drejtua ai – policëve.
“Na lini të protestojmë, protestë paqësore po bëjmë”, u shpreh një qytetare.
“Ulni çmimet, Rama ik”, janë thirrjet që lëshohen prej protestuesve.
Edhe Ilir Vrenozi iu bashkua protestës i cili recitoi disa bejtje.
“Ngrihu popull protesto, këta kopila mu*i ti rrëzojmë“, u shpreh ai mes të tjerash.
Megjithatë, protestuesit arritën të vijonin marshimin duke e zhvendosur protestën para bashkisë.
Më tej, vijuan marshimin.
