Deputeti demokrat, Edmond Spaho tha këtë të Enjte se rritja e çmimit të naftës në vend ditët e fundit është bërë nga spekulantë. Në një prononcim për gazetarë, Spaho tha se dy javët e fundit nuk është importuar naftë me çmimet e tregut, por janë shitur rezerva me çmime më të larta.
“Mesa di unë, dy javët e fundit s’ka pasur import karburanti me çmimet në treg. Nëse sot në tregun ndërkombëtar, nafta ishte 125 dollarë për fuqi, në 2009-2010 ka qenë edhe 200 dollar për fuçi dhe s’ka qenë çmimi më shumë se 150 lekë për litër”, tha Spaho në një prononcim për gazetarët.
Qeveria duhet të ndërhyjë për ti dhënë fund spekulimeve, u shpreh ai.
“Qeveria është e përgjegjshme për gjendjen qytetarëve, thotë çmimet janë rritur, do vijojnë të rriten dhe menjëherë pas fjalës së kryeministrit rriten çmimet”, tha Spaho, duke parashtruar se në shtetet e rajonit, qeveritë kanë ndërhyrë me politika duke amortizuar çmimet.
