Ndërkohë mijëra qytetarë po protestojnë para Kryeministrisë kundër rritjes së çmimeve, Edi Rama në një komunikim në rrjetet sociale, shprehet se ato janë pasojë si rezultat i luftës.
“Vërtet ne nuk kemi marrë armët dhe të kemi shkuar në luftë, por lufta ka ardhur këtu. Dhe nisi rritja me çmimin e karburanteve dhe vijoi me të tjerat, ndaj edhe ne kemi ngritur një Komitet, i cili do të analizojë situatën, dhe do të marrë vendime të përditshme, në mënyrë që çmimet mos caktohen sipas qejfit”, tha Rama.
Ai u shpreh se e di shumë mirë jetesën e shqiptarëve, pasi jeton me probleet e tyre, ndaj dhe është në postin e Kryeministrit.
“Nuk ka askush që të më tregojë mua se si jetojnë shqiptarët, pasi i di më mirë se ata që sot flasin dhe na tregojnë se ç´duhet të bëjmë, pasi nuk u bë deti kos, dhe ne jemi të përgjegjshëm”, tha Rama.
Në komunikimin në rrjetet sociale, Rama foli për rritje pagash sikundër jemi zotuar dhe këto para nga diku do të vijnë.
“Ne jemi shumë të vetdijshëm, jemi shumë të vendosur në atë që themi dhe në atë që bëjmë”, tha Rama.Ai tha se e vërteta është ilaç dhe ajo që mund të përballemi është mungesa fare e naftës dhe e energjisë. Kryeministri tha se teoritë me hajduta dhe me gllabërime miliona eurosh janë ballona turpi, janë njëlloj si ato 430 mln eurot e inceneratorëve që na u tha që i kemi vjedhur.
“Në vendet fqinje po rritet energjia, këtu kemi vendosur mos e rrisim. Po nëse heqim taksat me çfarë do paguajmë pagat, shkollat, spitalet? Nëse na thonë ndërprisni investimet, po ato mijëra punëtorë me çfarë do i paguajmë”, tha Rama.
Ai tha se ushtarët nuk rimbursohen, ndërsa shtoi se po të mos ishim në NATO, do të ishim në një situatë tjetër.
“Të tjerët po vriten rrugëve, të tjerët nuk dinë a do kenë një atdhe, çfarë ka ndodhur kaq e tmerrshme në Shqipëri?”, tha Rama.
