Aktorja Rudina Dembacaj ironizoi pak kohë më parë nismën e Einxhel Shkirës, për të ngritur një fondacion për të ndihmuar vajzat të cilat nuk kanë mundësi të shkollohen dhe të jenë të pavarura. Ajo tha se këtë nismë e kishte ndërmarrë ajo e para.
“U zgjova me ide ‘origjinale’ të talenteve të ekranit! Mirëmëngjes! Që të kuptohemi jam shumë e lumtur për çdo iniciativë për vepra të mira! Zot u shtofshin! Mbrojtja e ideve është gjithashtu vepër e mirë, në respekt të kujtdo”, shkroi aktorja.
Rudina, e ftuar në “Goca dhe Gra”, sqaroi për herë të parë deklaratën e saj.
“Nuk kishte ndonjë përplasje ama në momentin që u shfaq në TV unë pashë që Einxhel kishte thënë ose në Big Brother ishte thënë që është projekti i jashtëzakonshëm, i padëgjuar, një koment i tërë ku flitej se ky projekt nuk ishte bërë asnjëherë, ndërkohë që unë e kisha shfaqur 1-2 vite më para në Instagram. Nuk e kam thënë që po bën një plagjiaturë, unë thashë u shtofshin projekte të tilla. Içik të kruhem e kam qejf”, tha aktorja.
