Çmimi i karburantit në bursë ka rënë me 3% pasditen e kësaj të mërkure.
Rënia vjen pas rritjes stratosferike që çmimi i naftës pësoi në këtë fillim jave.
Nga 129.57 dollarë për fuçi që ishte, në bursë çmimi i naftës zbriti në 111.69$ dollarë.
Rënia është reflektuar edhe në disa nga pikat e karburanteve në Shqipëri.
‘Kastrati’ në Tiranë e ka zbritur në 2 400 lekë për litër nga rreth 2 690 që ishte para protestave dhe rënies me 3% të çmimit në bursë.
Ndërkohë që pikat të tjera karburantesh e ngritën çmimin deri në 2 900 lekë për litër.
Kompanitë e importit të naftës i kërkuan sot qeverisë zyrtarisht që ulë taksat për 6 muaj, në mënyrë që kjo të reflektohet te zbritja e çmimit, por kërkesa e tyre u refuzua nga kryeministri Edi Rama.
