Presidenti i Ukrainës, Volodymyr Zelensky i është adresuar Parlamentit të Britanisë së Madhe përmes videolidhjes nga Kievi.
Në fjalimin e tij para deputetëve britanikë, Zelensky ka krahasuar luftën e Ukrainës kundër Rusisë me luftën e Britanisë kundër Gjermanëve nazistë gjatë Luftës së Dytë Botërore.
“As ju nuk donit që ta humbnit vendin tuaj kur nazistët donin t’ua merrnin. Dhe u detyruat që të luftoni për Britaninë, ka thënë Zelensky, sipas raportimit të BBC-së.
Po ashtu, Zelensky ka thënë se Kievi ka humbur interesimin për t’u bashkuar NATO-s.
“Sa për çështjen e NATO-s, jam ftohur nga ajo që kur e kuptova që NATO nuk është gati për ta pranuar Ukrainën. Aleanca frikësohet nga konfrontimi me Federatën Ruse”, ka thënë Zelensky më herët gjatë një interviste me ABC Neës.
Zelensky nuk ka mohuar mundësinë që të ulet dhe të bisedojë edhe për njohjen e Krimesë si pjesë e Rusisë dhe për njohjen e sovraniteti për Donbasit dhe Luhanksit. “Mund të flasim për këtë çështje dhe ta gjejmë një kompromis se si qytetarët do të jetojnë në këto vende”, ka thënë ai.
