Kryeministri Edi Rama u shfaq paraditen e sotme në një konferencë për mediat, bashkë me ministren Belinda Balluku, ndërsa foli për ditët e zeza që i presin shqiptarët, për krizën që do të vijë, për luftën dhe ndikimin e saj në ekonomi, si dhe për përpjekjen e jashtëzakonshme të Qeverisë për të mbrojtur qytetarët nga këto pasoja.
Në fakt deri më tani nga Qeveria nuk është marrë asnjë masë dhe pas rritjes së çmimit të naftës ka nisur një reaksin zinxhir në rritjen e çmimeve të pothuajse të gjitha produkteve.
Por pasi mbaroi të gjitha paralajmërimet, Edi Rama, bashkë me disa ministra, mes të cilëve edhe Belinda Ballukun, është nisur me charter për në Dubai bashkë me disa ministra të kabinetit të tij.
Dhe shkaku i udhëtimit është panairi ndërkombëtar “Expo 2020Dubai”.
Nesër në orën 16:30 do të ketë një organizim të vecantë për nder të Ditës Kombëtare të Shqipërisë, ku është parashikuar të ketë një fjalim edhe nga Edi Rama. Expo 2020 Dubai është një panair botëror, i cili do të mbahet në Dubai, Emiratet e Bashkuara Arabe, përgjatë periudhës 1 Tetor 2021 deri në 31 Mars 2022.
Delegacioni shqiptar rikthehet në Tiranë të enjten në drekë. Interesante nëse bashkë me ministrat që Rama ka marrë me vete do të jetë edhe Belinda Balluku, e cila sot gjatë konferencës për shtyp dha edhe leksione se si të kursehet gjatë kësaj periudhe të krizës energjitike.
Ajo iu kërkoi qytetarëve të mos shkojnë me makinë për të blerë cigare ndërsa për vete mund të jetë për turizëm në Dubai bashkë me kryeministrin.
Tashmë duhet të presim nëse këshillat për të kursyer do të zbatohen nga Rama dhe ministrat, apo në Tiranë do të dalin pamjet e ndonjë darke në restorantin Nusre-t.
