Ukraina do të furnizohet me avion MIG-29. Vendimi është marrë nga NATO dhe SHBA, duke ndihmuar kështu Ukrainën, pavarësisht kërcënimeve të Moskës.
Flota e avionëve MIG-29 i përket Polonisë, e cila do ia dhurojë SHBA, ndërsa flota polake do të rinovohet me F-16. SHBA më pas MIG-29 do ia japë Ukrainës, duke shmangur kështu një përplasje mes Polonisë dhe Rusisë, pas paralajmërimeve të Vladimir Putin.
Në një reagim zyrtar të qeverisë polake, thuhet se ata kanë vendosur t’ia ofrojnë pa pagesë avionët e tyre SHBA-ve duke marrë mbrapsht avionë amerikanë, ndërkohë që nuk thonë se për çfarë do të përdorën avionët e tyre. Krahas kësaj, qeveria polake kërkon nga të gjitha vendet e NATO-s që të bëjnë të njëjtën gjë.
Tashmë ukrainasit pritet të pajisen me 28 avionë Mig-29 polakë paraprakisht dhe më pas edhe me Mig-ët bullgarë dhe sllovakë në ditët në vijim. Situata bëhet edhe më e vështirë për rusët në terren tashmë.
