Deputetja demokrate Merita Bakiu i është bashkuar thirrjeve për largimin e Lulzim Bashës nga posti i kreut të PD, edhe pse ky i fundit është shkarkuar nga funksionet nga Kuvendi i 11 dhjetorit 2021, vendim që nuk u njoh as nga Basha dhe as nga ata që sot po i kërkojnë largimin.
Përmes një postimi në rrjetet sociale, deputetja Bakiu shprehet se sot nuk bëhet fjalë për të gjetur fajtorët, por për të marrë përgjegjësitë dhe për të zgjidhur situatën ku ndodhet PD.
Reagimet e forta të disa prej deputetëve që konsideroheshin si mbështetës të zjarrtë të Bashës erdhën pas rezultatit katastrofik që kandidatët e tij morën në zgjedhjet e 6 marsit.
Reagimi nga Merita Bakiu:
Ndodhemi ne nje situate te veshtire, ndofta me keq se vitin 1997 , per arsye se pervec humbjes se tmerrshme kemi dhe nje PD te percare.
Ne kete moment po nuk morem pergjegjesite do te jemi dhe deshmitare te shkatarrimit perfundimtar. Nuk mund te fshihemi me pas sigles , anetaresia dhe per me teper votat popullore na treguan realitetin.
Pergjesjesia fillon se pari tek ju kryetar e me poshte. PD shpeton duke u bashkuar dhe ky bashkim fillon me doreheqjen tuaj dhe cuarjen ne zgjedhje te reja brenda PD ku bejne pjese edhe anetaret, miqte e bashkepuntoret qe sot i jane bashkuar foltores.
Nuk behet fjale per te gjetur fajtore, por per te marre pergjegjesi e per te bere zgjidhje.
Ja kemi borxh demokrateve bashkimin.
