Lulzim Basha ka arritur sot të dëgjojë nga goja e disa prej të emëruarve në krye të degëve të partisë që drejton kërkesën që të mos iki nga Partia Demokratike, pasi ai nuk ka asnjë përgjegjësi për humbjen në zgjedhjet e 6 marsit.
Si për të kompensuar humbjen e mbështetjen në Grupin Parlamentar, sot Basha ka thirrur në seli Kolegjin e Kryetarëve, por edhe kandidatët humbës të 6 marsit, të cilët i kanë dhënë mbështetje dhe i kanë kërkuar të mos dorëhiqet si kryetar i partisë
Mirlinda Çollaku, kryetare dega 2, tha se në Vorë mekanizmi që përdor PS, u sofistifikua çdo ditë.
“Paguajnë për të sjellë votuesin në votim. Duhet ti bindim shqiptarët që PD nuk është individi, por ajo partia e madhe që ka qenë. Kjo duhet bërë duke folur me njerëzit”, tha ajo.
Pëllumb Seferi, kryetar dega 8, pohoi se kishte parë në Vorë bashkëpunimin Berisha-Rama-Meta dhe bandat.
“Njerëzit ishin të frikësuar. Ishte gjithçka e mbyllur. Njerëzit kërcënoheshin nëse ishin votues të PD. Përçarja e PD i jepte fitoren ps dhe këtë bënë”, shtoi ai.
