Analisti Artan Hoxha u shpreh mbrëmjen e sotme në emisionin “Opinion” se largimin e Lulzim Bashës po e kërkojnë edhe yjet e Kuvendit që ai organizoi me 18 dhjetor.
Sipas Hoxhës, çështja është se Lulzim Basha nuk ikën dhe e dini pse nuk ikën, sepse ai mendon dhe e ka kthyer partinë në një gjë më të vogël se Kryetari.
“Nuk është problemi i një individi, por i një sistemi. Duhet të demokratizohet partia, duhet të ketë fraksione, duhet që votojë anëtarësia, sepse kështu partia bëhet më e madhe se Kryetari dhe ne i japim fund kësaj që po ndodh sot, që Kryetari nuk ikën edhe kur humbet, edhe kur ia kërkojnë strukturat, anëtarësia dhe yjet që kishte në krah”, tha Hoxha.
