Gjykata e Korçës caktoi sot masën e sigurisë për Ali Zilin, i cili dyshohet si autor për vrasjen e dyfishtë të ndodhur në Devoll tre ditë më parë.
Gjykata ka lënë në burg Ali Zilin, i cili akuzohet se gjatë njv grabitjeje në një banesë në fshatin Progër, vrau Fatmira Bamin dhe Bukurie Bamin, përkatësisht nuse dhe vjehërr.
Zili është shfaqur i prangosur para trupës gjykuese, ndërsa në dëshminë e tij pak ditë më parë pranoi se krimin e ka kryer se ‘nuk i kishin paguar lekët e druve’.
Zili, ishte futur në banesën e familjes Bami në fshatin Progër për të grabitur, por pasi hasi në rezistencë, vendosi që t’u merrte jetën, Fatmirës 60 vjeç dhe Bukurijes 80 vjeç.
