Bardh Spahia i “Shtëpisë së Lirisë” vijon të thellojë kryesimin në garën për Bashkinë e Shkodrës.
Teksa ka shtuar diferencën e votave me kandidaten socialiste, Spahia ka marrë deri më tani 16 313 vota, nga 196 qendra votimi të përpunuara (250 janë në total).
Kandidatja e PS-së, Majlinda Angoni ka 14 463 vota, sipas KQZ-së.
Xhemal Bushati i PD-së së Lulzim Bashës numëron 5 748 vota.
Shkodra ishte një nga 6 bashkitë ku një ditë më parë u zhvilluan zgjedhjet e pjesshme lokale.
Deri më tani, tre bashki i kanë fituar socialistët, Vorën, Rrogozhinën dhe Lushnjen. Ndërsa në tre të tjera votimit vijon. Në Durrës e Dibër projektohet po ashtu një fitore e PS. Ndërsa në Shkodër, fitues projektohet Bardh Spahia i Shtëpisë së Lirisë. PD e Bashës është renditur apo renditet forcë e tretë në 5 nga 6 bashki.
