Bardh Spahia, kandidat i koalicionit “Shtëpia e Lirisë” ka fituar zgjedhjet për Bashkinë e Shkodrës.
Në mesazhin e parë, nga KZAZ ku u numëruan kutitë e fundit, Spahia tha se në këtë ditë historike, këtë ditë feste për gjithë demokracinë shqiptare dua ta nis me një falenderim për gjithë demokatët dhe qytetarët e Shkodrës për besimin që më dhanë me votën e tyre.
“Falenderoj edhe aleatët e “Shtëpisë së Lirisë’. Falenderoj nga zemra edhe gazetarët, edhe shtabin elektroale edhe të rinjtë të cilët i dhanë një frymë tjetër kësaj gare elektorale.
Me falenderimin e përzemërt ndaj qytetarëve, ju garantoj se nga nesër do jem kryebashkiaku i të gjithë qytetarëve të Shkodrës. Një thirrje kam edhe për ata demokratët që humbën rrugën: Dera e shumicës do jetë e hapur për të gjithë demokratët. Nga sot ju garantoj se fillon ndryshim i madh në gjithë Shqipërinë. Do komunikoj siç duhet me qytetarët, do përcaktoj pritoritetet”, tha Spahia.
