Ish-banorja e “BBV”, moderatorja Einxhel Shkira ka bashkë prezantuar sot me Isli Islamin emisionin “Wake Up” në Top Channel.
Në pjesën e fundit, moderatori i bëri një intervistë ish-banores. Isli i përmendi Beatrix Ramosajn, e cila e ka pasur paksa të vështirë përshtatjen me botën jashtë. Moderatorja rrëfeu se ka komunikuar me këngëtaren, edhe pse ende nuk janë takuar.
“Trixën nuk e kam takuar. Por e kam ditur se do të jetë pak më e rënduar. Kam komunikuar me Trixën, edhe brenda kam qenë e merakosur për të. Kjo nuk vjen vetëm nga BB VIP, por është edhe nga natyra e Trixës që është shumë e tërhequr nga daljet publike.
Mendoj se edhe Trixa ka zgjedhur një lloj izolimi për të qenë më e qetë që të bëhet gati kur të dalë”, tha Einxhel.
