Ish-kryeministri Sali Berisha u shpreh kundër një kërkese të kryetarit të Grupit Parlamentar socialist, Taulant Balla, i cili në seancën e pasdites, kërkoi që të limitohej numri i diskutantëve, lidhur me rezolutën për Ukrainën.
Duke qenë se Balla kërkoi edhe konsensusin e kreut të Grupit Parlaentar të PD, Enkelejd Alibeaj, Berisha tha se kjo është një tjetër marrëveshje mes Ramës dhe Bashës për të mos lejuar deputetët të flasin për një çështje sensitive.
Ndërkohë që ka bërë publike një video të momentit kur kryeministri Edi Rama deklaron se Shqipëria nuk ka asnjë problem me Rusinë.
“Kjo që ndodh këtu është një marrëveshje për të hequr fjalën e të tjerëve. Ne denoncojmë këtu agresionin, kurse ai thotë se nuk kemi asnjë problem me Rusinë”, tha Berisha.
