Lulzim Basha ka thirrur një mbledhje të Grupit Parlamentar në selinë e PD, e cila duket se do të trajtojë rezultatin e zgjedhjeve të pjesshme të 6 marsit, ku në 6 bashki kandidatët që garuan në siglën e kësaj partie u renditën të 3-ët, me përjashtim të Rrogozhinës, ku mori vendin e dytë.
Mbledhja mund të shoqërohet me debate, pasi më parë të paktën dy deputetë, Agron Gjekmarkaj dhe Grida Duma, paralajmëruan se duhej mbajtur përgjegjësi, por edhe aksion politik.
Nuk dihet nëse para deputetëve Basha do e pohojë se ka humbur në zgjedhjet e zhvilluara dje, pasi në publik tha se nuk ka humbur asnjë garë. Ndërkohë Gazment Bardhi në reagimin publik tha se është koha për reflektim dhe jo analizë.
Raportohet se në mbledhjen e Grupit Parlamentar mungojnë të paktën 15 deputetë, që janë rreshtuar në krah të tij.
