Një atentat me armë zjarri iu bë një 42 vjeçari në Lezhë, por që i ka shpëtuar plumbave. Nga raportimet mësohet se shënjestra e atentatit ishte shtetasi Aleksandër.
Deri më tani nuk kemi detaje se si ka ndodhur atentati ndaj tij. Ngjarja ka ndodhur në hyrje të qytetit të Lezhës.
Deda ka thënë mesditën e kësaj të hëne në polici, se kanë qëlluar me armë në drejtimin të tij. Burime bëjnë me dije se Policia ka shkuar në vendin ku 42-vjeçari tha se iu bë atentati por nuk ka gjetur prova materiale.
“Sot rreth orës 14: 15, shtetasi A.D.,43 vjeç, banues në Lezhë ka njoftuar se në afërsi të një lokali në dalje të qytetit të Lezhës është qëlluar me armë zjarri në drejtim të tij, i cili nuk ka marrë asnjë dëmtim. Shërbimet e Policisë menjëherë kanë shkuar në vendngjarje dhe gjatë këqyrjes se vendit të ngjarjes dhe krehjes së zonës nuk kanë konstatuar gëzhoja“, thotë policia.
Grupi hetimor vijon punën intensive për zbardhjen e rrethanave të ngjarjes, si dhe për gjetjen dhe fiksimin e çdo provë që mund të çojë në identifikimin dhe kapjen e autorit/ëve”,njoftoi policia.
Në dhjetor të vitit 2020 Dedës iu bë pritë me armë zjarri ku mbeti i plagosur. Nga të shtënat me kallashnikov mori 3 plumba por mbijetoi.
Ai nuk pranoi të bashkëpunonte në atë kohë me drejtësinë duke mos rrëfyer dyshimet e tij apo konfliktet që kishte.
