Ish-Kryeministri Sali Berisha deklaroi se selia e PD i përket demokratëve dhe ajo nuk mund të mbahet e pushtuar nga Lulzim Basha.
Berisha tha se nëse Lulzim Basha pranon votën, dhe nuk e quan kurth atë, edhe ai është i mirëpritur, në procesin e bashkimit të demokratëve.
“Ne jemi të hapur për bashkimin, statuti i PD nuk ka nenin e përjashtimeve, këtë e aplikon Lulzim Basha. Ujrat janë kthjelluar, ja ku janë rezultatet e 6 marsit, nuk mundet më që të gënjejë deputetët.
Ne do të shqyrtojmë punën e deritanishme, dhe do të marrim vendimet e duhura për të zbatuar vendimet e Kuvendit të 11 dhjetorit”, tha Berisha në “Çim Peka Live”.
Ish-Kryeministri deklaroi se Basha nuk ka asnjë nanogram si politikan dhe koha e provoi se ai nuk është politikan.
“Kush e imagjinonte që me 25 prill kur humbi zgjedhjet nuk dha dorëheqje? I kam dhënë çdo ndihmë në këshilla, kur mi kërkonte në 8 vite, dhe më ngriti kurthe, cili është ai që e imagjinonte që ky zotëri të mos njihte votën e lirë”, tha Berisha.
