Deri në orën 16:00 kanë marrë pjesë në zgjedhjet që po mbahen në 6 bashkitë e vendit për Kryebashkiak, 25.96 % e numrit të përgjithshëm të votuesve.
Sipas shifrave zyrtare të përditësuara nga KQZ, në total kanë votuar 123081 zgjedhës nga 474087 që përfshijnë qendrat e votimit që kanë raportuar të dhënat në Komision.
Në të 6 bashkitë e vendit janë 942 qendra votimi, por të dhënat i kanë raportuar 674 qendra, çka do të thotë se pjesëmarrja në zgjedhje duhet të jetë më e lartë.
Bashkia me përqindjen më të vogël të raportuar është Durrësi, ndërsa më e larta Dibra.
