Komisioni Qendror i Zgjedhjeve në përditësimin e orës 17:00 njoftoi se kanë marrë pjesë në votime, në 6 Bashkitë ku po mbahen zgjedhjet për kryebashkiak 27.92 % e zgjedhësve. Përllogaritjet bëhen mbi bazën e 687 qendrave të votimit që kanë çuar të dhënat nga 942 që janë hapur në total.
Dibra rezulton me pjesëmarrjen më të lartë me 40.12 %, ndërsa Durrësi është në kuotën e 23.54 %.
Krahasuar me zgjedhjet parlamentare të 25 prillit, ka një pjesëmarrje më të ulët në zgjedhjet e sotme, edhe pse ka mbetur 2 orë nga mbyllja e qendrave të votimit.
