Një tjetër rast i votimit në grup është identifikuar në këto zgjedhje të pjesshme lokale që po mbahen ditën e sotme për 6 bashkitë e vendit. Në Lushnjë, gjatë procesit të votimit, një prej qytetarëve ka votuar edhe për mamanë e tij, me pretekstin se po e ndihmonte të kryente veprimet e duhura.
Gjatë këtij momenti, komisionerët nuk kanë reguar, por rasti është filmuar nga kamerat e Fax Neës. Në momentin që njëra prej komisionerëve është pyetur nëse kjo gjë ishte e lejueshme, ajo është përgjigjur se fleta e votimit do të shënohej e pavlefshme në procesverbal dhe se do votohej sërish.
Qytetari: Ore zotëri, me mua u fut plaka ore, ti je në transmetim të drejtëpërdrejtë, por unë kam mbajtur procesverbal se po ndihmoja mamaë.
Gazetarët: Zotëria ka plotësuar fletën e votimit për zonjën.
Një prej komisionereve: Ne e kemi mbajtur në proceverbal që zotëria po shoqëronte zonjën që është mamaja e tij, në mënyrë që të votonte.
Gazetarët: A mund të votojë djali në vend të nënës?
Komisionerja: Mesa di unë, jo!
Gazetarët: Atëherë si u lejua që të ndodhte kjo gjë?
Komisionerja: Ai e shoqëroi nënën e tij.
Gazetarët: Ai votoi në vend të nënës së tij.
Komisionerja: Nëna e tij e ka të vështirë, por nëse kjo ka ndodhur atëherë do e kthejmë sërish fletën dhe të votohet sërish, pra atë fletë do e shënojmë të pavlefshme në procesverbal.
