Drejtuesi i KQZ-së Ilirjan Celibashi informoi lidhur me situatën në qendrat e votimit në vend deri në 9:30.
Në një deklaratë për mediat, ai vlerësoi se procesi në përgjithësi është pa ndonjë problematikë të theksuar, ndërsa shtoi se “jemi në një proces monitorimi të vazhdueshëm ku po zhvillohen votimet”.
Sipas tij, situata më problematike mund të cilësohet në Shkodër dhe Dibër. Në Shkodër, në tre qendra s’ka nisur votimit për shkak të kushteve të motit me dëborë të dendur, ndërsa në Dibër, në shumicën e qendrave të votimit mungon energjia elektrike.
Shkodra – Për Shkodrën, Celibashi tha se problematikat e evidentuara kanë “në dy qendra botimi në Shosh dhe një Pult që s‘ka nisur për shkak të mungesës të komisionerëve, që s’kanë mundur të shkojnë për shkak të situatës atmosferike”. “Një qendër në Shalë identifikimi po bëhet manualisht dhe në total Shkodra nga 250 qednra, ka nisur votimit në 247, në 3 qendra s’po votohet”, tha ai.
Dibra – “Në Dibër janë 101 qendra votimit dhe në të gjitha ka nisur votimi. Kemi një problem në 80 qendra në lidhje me energjinë elektrike, në Kastriot dhe Kalanë e Dodës për shkak të situatës së reshjeve të dëborës”, tha ai.
Durrës – “Durrësi ka 337 qebndra votimit dhe votimi ka nisur në të gjita. Një problem ka pasur në një qendër votimi me një pajisje identifikimi që është zgjidhur. Në një qebndër votimi po kryer idnëtikimi pa pajisjen identifikuese elektronike”.
Vora – “Në Vorë janë hapur të 44 qendrat. Rasti të them që s’ka asnjë lloj problemi”, tha ai.
Duke iu përgjigjur interesit të gazetarëve, Celibashi ka folur për problematikën e hasur gjatë procesit të votimit në Bashkinë e Vorës për emërimin e komisionerëve të propozuar nga Partia Demokratike në 22 ZAZ-të e bashkisë.
“Është pranuar me vendim të KAS, është ankuar PD në KAS, janë emëruar sekretarët janë në gjithë QV të Vorës, mungojnë një pjesë e anëtarëve të PD që do duhet të ishin propozuar nga PD se KZAZ ka propozuar sa kohë s’janë me banim në bashkinë Vorë s’mund të emërohen. Ngelet e rëndësishme që nga pikëpamja ligjore procesi në Bashkinë Vorë është duke u zhvilluar normalisht. Janë katër anëtarë që përbëjnë kuorumin minimal për të zhvilluar gjithë procedurat e votimit në një qendër votimi”, tha ai.
Rrogozhinë – Edhe për Rrogozhinën tha se është hapur votimi në 53 qendrat që ka atje dhe nuk raportoi problematika.
Lushnje – “Në Lushnje janë 157 qendra dhe po votohet në të gjitha. Në 5 ka probleme me kamerat e vëzhgimit dhe pajisjen e identifikimit elektronik. Në një qendër votimi po bëhet jo përmes pajisjes së identifikimit elektronik”, tha Celibashi.
Ai shtoi se kanë marrë sinjalizime për problematike në një qendër në Dibër dhe një në Durrës lidhur me mënyrën se si anëtarët e qendrave e administrojnë procesin, por shtoi se “s’ka ndikim në proces”.
