Ka nisur edhe në Lushnje numërimi i votave për Kryebashkiakun e ri të qytetit.
Ndërkohë në një postim në rrjetet sociale, ish-deputet demokrat Klevis Balliu shprehet se socialistët e ndershëm braktisën Ballën dhe veglën e tij, si dhe ka falënderuar të gjithë qytetarët e Bashkisë Lushnje për mbështetjen e tyre të jashtëzakonshme që i dhanë Elton Banos.
Pjesë e falënderimit ishin edhe të gjithë anëtarët e Partisë Demokratike, komisionerët, vëzhguesit, veçanërisht të rinjt e këtij qyteti si edhe gjithë strukturat e PD për kontributin e tyre historik në këtë moment kritik për vendin e tyre.
Postimi i plotë i Klevis Balliut:
Sot në Lushnje në një akt të lartë qytetarie socialistët e ndershëm braktisën Ballën dhe veglën e tij.
Presim me padurim rezultatin përfundimtar.
Falenderoj të gjithë qytetarët e Bashkisë Lushnje për mbështetjen e tyre të jashtëzakonshme që i dhanë Elton Banos.
Falenderoj të gjithë anëtarët e Partisë Demokratike, komisionerët, vëzhguesit, veçanërisht të rinjt e këtij qyteti si edhe gjithë strukturat e PD për kontributin e tyre historik në këtë moment kritik për vendin e tyre.
