Është mbyllur zyrtarisht procesi i votimit për zgjedhjet e pjesshme lokale në gjashtë bashkitë e vendit, konkretisht në Durrë, Shkodër, Dibër, Vorë, Rrogozhinë dhe Lushnje.
Pjesëmarrja në votime ka qenë e ulët në përgjithësi në të gjashta bashkitë, duke treguar një indiferencë të votuesve për këto zgjedhje.
Pjesëmarrja përfundimtare ka qenë 30.26%.
Në krahasim me zgjedhjet e 25 prillit, pjesëmarrja është e ulët në të gjitha bashkitë.
Bashkia Dibër ka patur pjesëmarrjen më të lartë me 43.35%, e ndjekur nga Bashkia Vorë me 38.47%.
Shkodra ku pritet të ketë garë të ashpër brenda opozitës, ka patur një pjesëmarrje zhgënjyese me vetëm 28.63%.
Rrogozhina e ka patur pjesëmarrjen 30.92%, ndërsa Durrësi renditet i fundit për pjesëmarrjen në zgjedhje me vetëm 26.43%.
