Luan Hoti, kandidati për kryetar i bashkisë Durrës, nga PD-ja e Lulzim Bashës, ka votuar mëngjesin e sotëm.
Në një prononcim për gazetarët pas votimit, ai u bëri thirrje qytetarëve të votojnë.
“Kam vetëm një mesazh për qytetarët e Durrësit. I ftoj të dalin të votojnë, të votojnë si njerëz të lirë, të votojnë për familjet e tyre, për fëmijët e tyre, për të ardhmen e këtij qyteti, të votojnë që t’i japim fund marrjes peng të qytetit të Durrësit dhe bashkinë t’ia rikthejmë Durrësit, qytetarëve të Durrësit. Faleminderit”, tha Hoti.
