Një aksident me 4 persona të vdekur dhe 1 i plagosur ka ndodhur orët e para të kësaj të Diele në aksin Fushë Krujë-Milot.
Policia njoftoi se rreth orës 00:15, një automjet me drejtues shtetasin A. D., 39 vjeç, është përplasur me automjetin me drejtues shtetasin A. A., 30 vjeç.
Si pasojë e përplasjes kanë ndërruar jetë të dy drejtuesit e mjeteve dhe dy pasagjerët, shtetasit Sh.B., 20 vjeç, dhe A. K.,16 vjeçe, që ndodheshin në automjetin që drejtonte shtetasi A.A.
Gjithashtu, është dëmtuar shtetasja R.H., 34 vjeçe, pasagjere në automjetin që drejtonte shtetasi A.A., e cila ndodhet në spital nën kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.
Lexo edhe:
Aksidenti fatal në Fushë Krujë-Milot, ja kush janë viktimat (Emrat)
