Kandidati për Shtëpinë e Lirisë në Shkodër, Bardh Spahia ka hedhur votën në kutinë e votimit këtë të Diel. Në një prononcim për gazetarët, ai u bëri apel qytetarëve të votojnë, ndërsa shprehur bindjen se do të jetë kryebashkiaku i ri, i dalë nga zgjedhjet e sotme.
I pyetur nga gazetarët për dualizmin brenda PD-së, Spahia tha se “ne përballjen e kemi me kundërshtarin politik historik Edi Ramën dhe përfaqësuesin e tyre këtu”, ndërsa shtoi se “shkodranët janë më të qartë se kurrë se kush është opozita e vërtetë dhe alternativa më e mirë.”.
“Nga Shkodra do nisë ndryshimi i madh. Te Shkodra janë sytë e gjithë Shqipërisë”, shtoi ai, ndërsa apeloi për pjesëmarrje në zgjedhje: “Qytetarët të vijnë masivisht dhe të kontribuojnë në këtë ndryshim”.
“Ju siguroj që unë do jem në krye të bashkisë Shkodër, në shërbim të qytetareve shkodranë”, u shpreh ai, pasi u pyet se cila do të ishte lëvizja e tij politike nëse nuk do të fitonte në këto zgjedhje.
