Një aksident me 4 viktima ka ndodhur pak pas mesnatës në aksin rrugor Fushë Krujë-Milot. Policia njofton se dy automjete janë përplasur me njëri tjetrin dhe për pasojë kanë humbur jetën të dy drejtuesit dhe dy pasagjerët që ndodheshin në njërin nga automjetet.
Një nga viktimat është një vajzë 16 vjeçe.
“Rreth orës 00:15, në aksin rrugor Fushë Krujë-Milot, një automjet me drejtues shtetasin Alfred Dika, 39 vjeç, është përplasur me automjetin me drejtues shtetasin Artan Alushi, 30 vjeç. Si pasojë e përplasjes kanë ndërruar jetë të dy drejtuesit e mjeteve dhe dy pasagjerët, shtetasit Shkumbin Brati, 20 vjeç, dhe Almenia K., 16 vjeçe, që ndodheshin në automjetin që drejtonte shtetasi Artan Alushi”, njofton Policia.
Ngjarja ndodhi rreth orës 00:15 pas mesnatës. Policia dhe grupi hetimor po vijojnë punën për zbardhjen e rrethanave të aksidentit, shtuan të njëjtat burime.
Lexo edhe:
“Koncerti i tij i fundit”/ Ku ishte këngëtari bashkë me të fejuarën, një natë para tragjedisë
