Rusia do të dërgojë rreth 1000 mercenarë të tjerë në Ukrainë “në ditët dhe javët e ardhshme”, tha një zyrtar amerikan, në një koment për CNN.
Sipas zyrtarit, forcat e mercenarëve do të forcojnë njësitë e dobësuara, teksa pushtimi rus i Ukrainës po vazhdon tanimë në javën e dytë.
Sipas tij, mercenarët tashmë në Ukrainë kanë “performuar keq përballë rezistencës më të ashpër se sa pritej nga ukrainasit” dhe rreth 200 mercenarë të tillë janë vrarë gjatë luftës.
Zyrtarët amerikanë dhe perëndimorë presin që Rusia të rrisë ritmin dhe forcën e goditjeve të saj ndaj vendbanimeve kryesore të Ukrainës, përfshirë Kievin.
Kujtojmë se mediat raportuan se në Kiev ishin më shumë se 400 “Wagnerianë”, të cilët Kremlini i kishte urdhëruar të vrisnin presidentin Volodymyr Zelensky dhe qeverinë e tij dhe të përgatitnin terrenin për marrjen e pushtetit nga Rusia.
