Presidenti ukrainas, Volodymyr Zelensky ka konfirmuar se korridoret humanitare do të hapen për të lejuar që banorët të cilët ndodhen në Mariupol dhe Volnovakha të largohen.
Megjithatë, ai u bëri thirrje atyre që munden të qëndrojnë dhe të luftojnë.
Në një fjalim, Zelenskyy tha: “Ne arritëm një marrëveshje për të ofruar ndihmë për ato qytete në Ukrainë që janë në situatën më të rëndë dhe më të keqe, Mariupol dhe Volnovakha, për të shpëtuar fëmijët, gratë dhe të moshuarit. Për të siguruar mjekim dhe ushqim atyre që qëndrojnë atje në ato vende. Ata njerëz që dëshirojnë të largohen nga këto vende duhet të jenë në gjendje ta bëjnë këtë tani duke përdorur korridorin humanitar, por ata që munden duhet të vazhdojnë të luftojnë”.
Raportohet se në Mariupol ka nisur evakuimi, me qytetarët ukrainas që kanë filluar të largohen nga qyteti.
