Të shtëna me armë zjarri në Vlorë. Mbrëmjen e sotme një person ka mbetur i plagosur si pasojë e një atentati që ka ndodhur pak minuta më parë në qytetin e Vlorës. Ngjarja ka ndodhur në afërsi të stadiumit të qytetit.
Nga të dhënat e para raportohet se i plagosur ka mbetur Romeo Mecaj, 30 vjeç. Ai ndodhet në gjendje të rëndë shëndetësore.
Burime bëjnë me dije se është qëlluar me breshëri kallashnikovi drejt një mjeti tip ‘Land Rover’, ku ndodhej i plagosuri, i cili po parkonte makinën.
Mësohet se i plagosuri është banor në lagjen “Pavarësia”, si dhe pronar i një lokali në Lungomare. .
