Kryeplaku i fshatit Progër në Devoll ka rrëfyer sot detaje lidhur me krimin makabër të ndodhur gjatë orëve të natës, por i zbuluar pasditen e sotme, ku dy gra, 60dhe 80 vjeç, nuse dhe vjehrrë, u masakruan me sende të forta nga një 36 vjeçar i arrestuar nga policia.
Trupat e pajetë të fatmira dhe Bukurie Bamit u gjetën në banesën e tyre rreth orës 15:15.
Ai tha se vrasja ka ndodhur gjatë natës dhe se nga ajo që ai ka parë duket se e moshuara dhe nusja e saj janë përleshur me autorin e vrasjes, i cili u arrestua pak më parë nga policia.
Kryeplaku tha se vjehrra 80 vjeç u gjet në korridor ndërsa nusja në dhomë e përgjakur.
Ndër të tjera ai thotë se në momentin që shkoi në banesën e viktimave pa përtokë në oborr një telefon dhe protezën e dhëmbëve të të moshuarës Bukurie Bami.
“Ngjarja ka ndodhur gjatë natës. Sot mbasdite më ka marrë në telefon një djalë nga Progni dhe më ka thënë hajde se ka ndodhur një diçka. Menjëherë telefonova policinë, mbërriti në moment dhe bënë ekzaminimet përkatëse.
Familja ishte plaka me gjithë nusen, kishin vite që jetonin bashkë, ishte familje e mirë.
Motivet nuk i di. Ali Zili bënte dru në mal dhe i shiste për bukën e gojës. Nuk e di që autori ti ketë shitur dru. Nëse do ti kishte shitur dru, ato do të ishin atje të paprera. Në oborr ka dru.
Njëra viktimë, plaka ishte në korridor e shtrirë dhe nusja ishte brenda në dhomën ku rrinte e shtrirë dhe e gjakosur. Ishin përleshur në oborr, në oborr kemi parë telefonin dhe një protezë dhëmbësh, në hyrje të portës.
Në korridor ishte plaka dhe në dhomë nusja. Autori ishte i varfër dhe punëtor, është dënuar një herë tjetër për dhunë në familje me të ëmën”, tha kryeplaku për mediat.
