Atentati ndaj 30-vjeçarit Romeo Meçaj tronditi mbrëmjen e sotme qytetin e Vlorës, ndërsa ndaj të riut u qëllua me breshëri automatike.
Meçaj, raportohet se ka marrë plagë plumbash në pjesën e krahasorit dhe në gjymtyrët e poshtëm, dhe gjendja e tij shëndetësore paraqitet e rëndë. Kjo ka bërë që pas ndihmës së shpejtë të dhënë në spitalin rajonal të Vlorës, i riu të transportohet drejt spitalit të Traumës në Tiranë.
Policia ka nisur hetimet për ngjarjen dhe mendohet se në atentatin ndaj Meçajt kanë marrë pjesë më shumë se dy persona. Ai u qëllua teksa ndodhej në automjetin e tij, i cili ishte i parkuar, ndërsa pak momente pas ngjarjes u raportua se në zonën e Ujit të Ftohtë në Vlorë, u gjet një automjet i djegur.
Atentati ndaj 30-vjeçarit ndodhi rreth orës 20:30 kur i riu Romeo Meçaj po parkonte makinën pranë Pallatit të Sportit. Persona ende të paidentifikuar afrohen me një mjet tip Volkswagen dhe hapin zjarr duke qëlluar me breshëri ndaj të riut i cili mori disa plumba në gjoks dhe në këmbë. .
Sipas raportimeve i riu Romeo Meçaj nuk është një emër i panjohur për policinë. Policia po heton në disa pista lidhur me ngjarjen.
