Dy ditë më parë 4 pjesëtarë të një familjeje shqiptare, mes të cilëve edhe dy fëmijë të mitur 1 dhe 2 vjeç, u ekzekutuan në banesën e tyre.
Mediat greke kanë publikuar sot detaje të reja lidhur me krimin makabër, ku viktima ishin Armando dhe Maria Kloci dhe fëmijëve të tyre një e dy vjeç.
Krimi ndodhi në zonën e Andravidës, ndërsa nga ekspertiza mjeko-ligjore provohet se autori i krimit ka mbytur fëmijët duke u mbyllur hundën dhe gojën, ndërsa prindërit janë qëlluar me armë zjarri.
Nëna ka marrë një plumb, ndërsa babai është qëlluar dy herë në kokë me pistoletë.
Gjithashtu, duket se prindërit janë vrarë në dhomën e gjumit, të cilët nga dera e brendshme janë tërhequr zvarrë në depo të shtëpisë, ndërsa koha e krimit është përcaktuar rreth orës 17:00.
Ndërkohë , policia vijon hetimet për kapjen e një burri, 57 vjeçar, banues në Andravidë, i cili konsiderohet si personi “kyç” për hetimin e rastit dhe gjurmët e tij janë zhdukur që prej mbrëmjes së të mërkurës së kaluar.
