Partia Demokratike e drejtuar nga Lulzim Basha thotë se në orët e fundit të fushatës është rritur mbështetja për Indrit Sefën, kandidatin për Kryebashkiak të Lushnjes.
Në një takim në një nga fshatrat më të afërt me qytetin e Lushnjës, në Allperaj, Sefa theksoi braktisjen totale të bashkisë, e cila i ka lënë pa investime dhe në prapambetje.
“Me votën tuaj te dielën, ndryshimi do të jetë konkret qe javën e parë. Në Allperaj iu përgjigja interesit të banorëve sesi do t’i përdorë bashkia taksat e tyre. Për mua është e papranueshme qe nga 13 miliardë lekë buxhet, 6 miliardë të shkojnë për rriga dhe vetëm 2 miliardë për investime. Ky fond duhet të paktën 3fishuar”, tha Indrit Sefa.
Kandidati i PD është i vendosur të zgjidhë në interesin e qytetarëve edhe çështjen e tregut të fruta perimeve. Aty tregtarët janë të detyruar të hyjnë në 3 të mëngjesit dhe të dalin prej tregut vetëm në 3 të pasdites. “Çështja e tregut do të zgjidhet. Askush nuk mund të burgosë njerëzit. Bashkia është pronare dhe ne do të vendosim rregulla dhe orare në i teres të shitësve dhe blerësve. Nuk premtoj mrekulli, por kam vullnet të hekurt për të punuar për qytetin tim! “- tha Indrit Sefa në takim.
